Fresh graduate, welcoming Summer!

This is my official summer welcome getaway, for the first time in forever that I graduated in college! Yuhooo! Of course, with my family. We're on the whitesand beach, just walking distance near our home.

  wish upon the starfish!

HOORRAAAAY COUSINS AND PAMANGKINS! 

With Kuya Alvin, Arthur, Johnbee and Cj.. your next pirates. haha

Pagbiya

Kinahanglan na siguro nako mulakaw.

Karong adlawa, graduate nako
Wala ko kabalo kung didto ko dungag
sa unemployment rate o sa employed?
Pero dili na mao akong point.

Mubiya nako dapat
Nagpalabi nako sa virtual world
Kung buot huna-hunaon
Panahon na para sa real world.

Siguro dili sila makasabot
Akong mga Twitter followers og Facebook friends
Ngano ko na missing og kalit
Or, in the first place, kamatikud ba kaha sila?

Pero dili na mao akong point.

Sa akong pagbiya, maglayag ko sa layong dapit
Daghan kog pangutana, apan daghag sab samukan
Pangitaon pa nako akong sarili
Himuon pa nako akong kaugmaon

Sa akong pagbiya
Daghan ang maapektuhan
Pero gamay ra didto ang tinuod nga mahinungdanon
Kabalo ko, kabalo ka
Kaila ka sa akoa kung nabasa nimo ni.

Ang Kalawom

Wala na sa kadako sa samad
naa na sa kalawom sa kasakit
nga nidulot sama sa usa ka tirungan
sa humok nga yuta..
Og dili ikatingala nga ni bisan ang nangaging panahon
daw igo ra salibo sa ulan
nga wa makapanukad sa naghapdos nga kinailawmang ugat
sa yutang samaran..
kay tungod sa kalawom,
og dili sa kadako o ni gilapdon
wa gihapon mamahimong maayo.

Gihandom Ko Ikaw

Gihandom ko ikaw
daw ulan sa Mayo nga wala gituyo
Ang mga kaagi natong duha
Kalit misulod sa akong panghuna-huna
Og sa kadiyot
natingala ako
Giunsa pagsigo?
Sa atong kagahapon karon..
Wala ko man diay gihpon hikalimti.

Ang kaanindot sa imong kalag
sama sa usa ka binhi tunga sa mga dagkong kahoy
Lahi ra
Lisod pangitaon..

Og natingala pa usab ako
nga kining tanan kutob ra sa paghandom
Ang kadasig nga masaksihan ka
sa tinud-anay
Nawala, nahanaw, napapa
kauban ang mga abog
Lahi na
Lisod na pangitaon..

Gihandom ko ikaw..
og didto ra kutob.

Forgive but don't forget

Dili ko mutuo anang to forgive means to forget. :P

Kay kung pasayluon nimo ang isa ka tao, pasaylua sya dili tungod kay nakalimot ka sa iyang gibuhat. Pwera nalang kung nagka-amnesia ka or naniguwang na ka nga na wash out sa imong memory ang mga sakit nga panghitabo. Isa pa, muabot gihapon ang adlaw nga makapangutana ka, "NGANO GANI NAKO SYA GIPASAYLO?" Unya mahinumduman nimo ang mga pait ninyo nga kaagi, therefore , wala diay gihapon nimo na forget. :P

Pero matingala ka ngano bisan marecall pa nimo ang nangagi, dili naka makabati og sakit dili pareha sa una. Tungod ni kay napasaylo na nimo siya, busa dawat na nimo ang mga butang "sa kagahapon og sa karon".  So sa ato pa, dili ang pagkalimot sa mga nangagi ang nakapasaylo sa imo. Kundi ang PAGDAWAT sa iya taliwas sa mga dili maayong panahong nangagi. Wala may nangutana sa ako ani pero trip lang pod nako ishare akong naisip. (haha!) To forgive is not to forget. To forgive is to accept. Makapasaylo ka kay nadawat na nimo, dili kay nalimtan na nimo. :)