ANG PANGUTANA

Note: “musta?”, “saan ka ngayon?”, “ano ginagawa mo?”, “sino kasama mo?”, ßwala ba ka napul-an og tubag aning mga nagbalik-balik na pangutana? Basi gusto kag level-up nga mga questions..???

 hala, try ni basaha basi makarealize ka  ! :D )

Na-immune na siguro ka

Sa mga ing-aning klaseng pangutana :

"Oy! Parts, kamusta na?"

Sayon ra tubagon, tama ba?

Busa tug-anan taka , unsay nindot ipangutana

Ayaw sige'g pangamusta, daan na kaayo nang istayla

Naa koy ihangyo, na mas maanindot

Ang pangutanang lisod-lisod, pero makahimoot.

Produktibo ka ba karong adlawa?

Nakabuhat ka ba’g maayo, maski wa ka sugua?

Ay' sige'g ngisi-ngisi diha, basi unya ikaw mapalpak

Nahuman nalang ang adlaw, sige gihapon ka'g panlibak?

Aduna ka bay napalipay karong taknaa?

Kung imo rang kaugalingon,  ayaw nalang ko tubaga

Pila pod kaha ang nakaambit sa imong mga grasya?

Panghatag pod oy, ayaw pod soloha.

Nagtinagdanay na ba kamo sa imong kaaway?

Og wa pa, kanus-a man mo magpinasayloay?

Og gwapo gani or gwapa, dali ra kaayo maka-hi

Kung none of the above, deretso ra’g labay.

Nakapanghinlo na ba ka, ibutang ta’g lapok imong nahikap?

Ayaw tawun pag-inarte, basi gani kwarto mo damak?

Og  naunsa, sige man kaha ka og reklamo?

Kay ngano, maski dyutay, aduna ka bay gisakripisyo?

Busa  di jud ko mangutana kung kamusta na ba ka

Kay ang gusto ko mahibaw-an, produktibo ba ka ‘rong adlawa?

Kay kung ako muingo'g “kamusta”, dali ra ka katubag

Pero gani kung produktibo ba, ang huna-huna mo daw saag!

Pangutan-on ko ikaw pag-usab, produktibo ba imong adlaw?

Pagtrabaho, ayaw sige'g tambay, ayaw sige'g latagaw

Sayang ang oras nga sige raka'g tanga,

Wa jud tawon kay maginansya kung permi ra ka gaduka.

Kung ikaw nakonsensya, wa ko intawun tuyua

Pero ugaling man nahinayak, ay dah! Pasensya

Aduna ka bay asenso? Mao na ang pangutana

Lihok! Pagmata! Ang hagit, tubaga!