'WAG NAMAN SANA

Note: Para po ito sa mga taong gulong-gulo bilang tao sa kanilang nararamdaman para sa isang tao... ( ANG GULO!!! ANO daw??? hahaha!) In short, para sa mga nag-aalangan sa kanilang tunay na nararamdaman. ACHECHE!!! haha. Try n'yo basahin, baka kayo'y maliwanagan. =)

Ayos lang naman

kung ibig mo ang kanyang larawan

Ngunit 'wag mo naman sanang

gawing natatanging basehan.

Okay lang din

kung humanga ka sa kanyang kagalingan

Ngunit 'wag naman sanang

iyan lang ang pagtuunan.

Tila'y mabuti rin

na bumilib sa kanyang karangalan

Ngunit kung sya'y madapa

'wag naman sanang talikuran.

Wari'y maganda rin

kung saludo ka sa kanyang katalinuhan

Ngunit kung sya'y magkamali

pagtingin sana'y 'wag babawan.

Mahal mo lang ba ang isang halaman

dahil ito ay namumulaklak?

Paano kung ito'y nalalanta

hahayaan mo lang bang mawasak?

Kaya mo bang tanggapin

na ang rosas ay may tinik?

at maliban sa iyo

ang iba rin ay may pananabik?

'Wag mo sanang isipin kung ano lang ang kaakit-akit

Baka nakalimutan mo, maging rosas ay may  pasakit

'Wag naman sanang mahalin dahil lang sa isang anggulo

Kung nagmamahal ka ng totoo. tanggipin mo sya ng buo.